..!.. ప్రేమ ....!...

అభిమానంగా మొదలయ్యేది ప్రేమ,
 ఆరాధనగా కొనసాగేది ప్రేమ,
 ఇష్టంగా ఏర్పడేది ప్రేమ,
 అనుబంధంగా ఏర్పడేది ప్రేమ,
కమ్మని కలలు చూపించేది ప్రేమ,
తియ్యని తలపులతో మురిపించేది ప్రేమ,
తియ్యని తలపులతో మురిపించేది ప్రేమ...


ఆకాశంలా అనంతమైనది ప్రేమ,
సాగరంలా లోతైనది ప్రేమ,
మనిషిని నడిపించేది ప్రేమ,
మనసులను కలిపే మంత్రమే ప్రేమ .. !!

ప్రేమ - అమ్మ - నాన్న

ప్రేమకు ప్రతిరూపమే అమ్మ..
అనురాగానికి మారురూపమే నాన్న..
అమ్మ ప్రేమ అనంతమైనది,
నాన్న అనురాగం అపురూపమైనది ..
ఈ లోకాన వేలకత్తలెండి వారి ప్రేమ
వారికంటే మనల్ని ప్రేమించేది ఇంకేవరమ్మా...!!

నీ రాక !!

తొలి ఉషోదయ కాంతి రేఖ
మలిసంధ్యకు అందిన ప్రేమలేఖ ..
భువికి వసంతాలు నింపే నీ రాక
దివిని చీకట్లు కమ్మే నీవు లేక ... !!

కలయా .. ??

ఓ అందమైన మరోప్రపంచం

అంతా ప్రకృతి సిరివెన్నెలమయం ..
ఆ తెల తెల్లారుతున్న సమయం 
కోయిల స్వరాల కమ్మని సంగీతం ..
వింటుంటే ఎంతో ఆహ్లాదం 
ఎదురుగా జాలువారే జలపాతం ..
చూస్తుంటే మనసంతా కోలాహలం
హరివిల్లు జలపాతాల అద్భుత సంగమం ..
ఆహా..
ఎంత నయనానందకరం .....


అంతలో ఎవరో తట్టినట్టు నా భుజం 
ఉలిక్కిపడినే కనులు తెరచిన నిమిషం
చూడ చక్కని ఆ దృశ్యం 
కలయా .. అని నేను చెందగా విస్మయం ..
అది ఎపుడయ్యేనో నిజం
అని వేచి చూడక తప్పదు కొంతకాలం !!

మనసు - భావం

మనసులోని భావాలెన్నో..
మరువలేని గాయాలెన్నో..
వీడలేని నేస్తాలెన్నో..
వీడిపోని బంధాలెన్నో..
మరపురాని పాటలెన్నో..
మధురమైన క్షణాలెన్నో..
కవ్వించే కబుర్లెన్నో..
మాయమయ్యే మార్పులెన్నో..
అవసరానికి ఆడిన అబదాలెన్నో..
చేసిన చిలిపి పనులెన్నో.. 
ఆశ్చర్యపరిచే అధ్బుతాలెన్నో..
మాటల్లో చెప్పలేని ముచట్లెన్నో..
ముసుగు వేసిన మనస్సుకు మరువరాని జ్ఞాపకాలెన్నో..
ఎన్నో ఎన్నెన్నో ఇంకెన్నో..
మనిషి జీవితంలో మరువలేనివి ఇంకెన్నో..
ఇదే జీవితం.. దీనిని అనుభవించు అనుక్షణం .. !!

అంజలి.. !!

అంజలి...

సుమధురం తన పేరు, మృదుమధురం తన పలుకు,

సున్నితం తన మనసు, సుకుమారం తన సొగసు !

చిరునవ్వే తనలోని ఆకర్షణ,

అభిమానమే తన ఆభరణం !!

చెలిమికి తనే చిరునామా,

వెలకట్టలేనిది తను నాపై చూపే ప్రేమ !!!

అందుకే మా స్నేహబంధం,

నేను ఎన్నటికి మరువలేని ఒక తియ్యని అనుబంధం !!!!

          ** సామల శ్రీనివాస్

ప్రేమ

అభిమానంగా  మొదలయ్యేది ప్రేమ,

ఆరాధనగా కొనసాగేది ప్రేమ,

ఇష్టంగా ఏర్పడేది ప్రేమ,

అనుబంధంగా ముదిపడేది  ప్రేమ,

కమ్మని కలలు చూపించేది ప్రేమ,

తియ్యని తలపులతో మురిపించేది ప్రేమ,

ఆకాశంలా అనంతమైనది ప్రేమ,

సాగరంలా లోతైనది ప్రేమ,

మనిషిని నడిపించేది ప్రేమ,

మనసులను కలిపే మంత్రమే ప్రేమ .... !!

ఓ నేస్తమా... !!

ఓ నేస్తమా...

నా ఆశకు ఆలాపన నీవే

నా ఊహకు ఊపిరి నీవే !

నా ఎదకు అభిలాష నీవే

నా ఉనికికి ఊతం నీవే !

నా ఆలోచనకు ఆలంబన నీవే

నా ఆచరణకు అధినేత నీవే !

ఈ జీవన పద్మవ్యూహంలో

నే పట్టుజారిపోతున్న, నా ఆశాదివ్వే నీవే !

అలసిన మనసుకు సాంతన నీవే

ఆశయాల సంద్రాన చుక్కాని  నీవే

అలుపెరుగని పయనాన నా అసలు నేస్తం నీవే !!

నువ్వు .. నీ నవ్వు ...

వీచే గాలిలో
వర్షించే మేఘంలో
పూచే పూవులలో
పసిపాప నవ్వులలో
వెతికాను నా నేస్తాన్ని
నా కిష్టమైన నీ స్నేహాన్ని..

మెరిసే తారలో
మయూరి నాట్యంలో
జాలువారే జలపాతంలో
జల జల పారే సెలయేటిలో
వెతికాను ఓ పువ్వుని
నా కిష్టమైన నీ నవ్వుని ...

నువ్వు .. నీ నవ్వు ...
నే వెతికే చోట ఉన్నా ... లేకున్నా ....
నిరాశే లేదు....
ఎందుకంటే
నా మనసులోనే నువ్వు ఉన్నావనే ఆశ !!

నీకే అంకితం.... !!

రెండు మనసుల సంగమంలో

రెండు హృదయాల అంతరంగాలలో

ఆలాపన నీవై , ఆలోచన నీవై....

ఆత్మీయత నీవై, అనుబంధం నీవై....

అనురాగం నీవై, ఆనందం నీవై....

ఆదర్శం నీవై, అస్పష్టత నీవై....

ఆరాధ్య0 నీవై, అనునిత్యం జ్యోతివై వెలిగే ఓ ప్రేమ....

నా కవిత నీకే అంకితం.... !!