నా హృదయం లో దాచుకున్న అందమైన నీ ప్రతి రూపాన్ని ....
నా మనసంతా ఆవహించిన అంతులేని ఆ ఊహల పరిమళాన్ని .....
నా కన్నులలో దాచుకున్న నీ చిరునవ్వుల చిరునామాల్ని ....
నా కనురెప్పలపై నింపుకున్న నీ నవ్వుల ఊహా రేఖల పరిచయాన్ని ...
నీ విరబూసిన బుగ్గలలో వదిలేసుకున్నా నా బిడియాన్ని ....
నింపుకున్నా నా ఊహలలో నిండైన ఆ వెన్నెల్లో తెరతీసిన నీ మోము రూపు రేఖల్ని....
అణువణువునా దాచుకున్న నీ బిడియపు అంచుల అందాలన్నీ ....
నిద్దుర పోని నా భావాలపై అద్దుతున్నా నీ ఆశల అంచులన్నీ .....
చెప్పలేక, చూడకుండా ఉండలేక అల్లుతున్న ఈ మాటల పూదోటలన్నీ .....
మొన్నలేని భావాలెన్నో నిన్ననీ రాకతో మెలుకువ వచ్చినట్టుగా ....
మాటరాని మౌనమేదో నా పెదాలపై ఒదిగిపోయినట్టుగా ....
ఈ క్షణం లో ఆరాధనగా ఉన్నా మరు క్షణం లో ఆవేదనగా మిగిలినా ...
ఆ ఒక్క క్షణమైనా నా మనసు పడే ఆనందమే నాకు మిగిలిపోదా కలకాలం ....
ఒక్కొక్క క్షణమంతా కలగలసి ఈ జీవితమంతా ఉండిపోదా నీ తలుపులతో .....
ఈ ఒక్క క్షణం గురించి నీకు తెలపనా ప్రియా .... మరల తెలుపనా .... ప్రియా ..... !!!!
ప్రేమ తో ....
నీకు
ఈ ప్రేమికుల రోజున ....
