కళ్ళలో వెన్నెల వెలుగులతో ..
పెదవులపై నవ్వుల పువ్వులతో ..
మదిలో మాయని బాసలతో ...
నీవలా చూస్తూ ఉంటే ..
రెండు కనులు మూత పడవేమో ఆ బ్రహ్మ అద్దిన నీ మోము తలుకు చూసి ..
నిండు జాబిలి ఉలిక్కి పడునేమో పండు వెన్నెలలో నిను చూసి ..
బొండు మల్లెలు వాడిపోవునేమో నీ చిరునగవుల మినుకు చూసి ..

ఔను నిజం ..

తొలి ఉషోదయ కాంతి రేఖ ..
మలి సంధ్య కి అందిన ప్రేమలేక ..
భువిని వసంతాలు నింపే నీ రాక ..
దివిని చీకట్లు కమ్మే నీవు లేక .. !!